കടം കൊണ്ട ജീവിതങ്ങൾ പറയാതിരുന്നത്...
ഒരു സങ്കീർത്തനം പോലെ എന്ന നോവലിൻറെ കവർ ഒ രു നോവൽ കൂടി വായിച്ചു .. "ഒരു സങ്കീർത്തനം പോലെ", പെരുമ്പടവം ശ്രീധരൻ ദസ്തയേവ്സ്കി എന്ന മഹാനായ എഴുത്തുകാരനെ കഥാപാത്രമാക്കി എഴുതിയ മനോഹരമായ ഒരു നോവൽ. ജീവിതത്തിൽ ഇരുപത് വർഷങ്ങൾ പിന്നിട്ട ഞാൻ വായിച്ചു പൂർത്തിയാക്കിയ മൂന്നാമത്തെ നോവലാണിതെന്നു പറയുമ്പോൾ , ഓർമ്മപ്പിശകാണെന്ന് തോന്നരുത്.. എഴുത്തുകാരൻ അനുവാചക ഹൃദയങ്ങളിൽ വരച്ചിടുന്ന ജീവസ്സുറ്റ ചിത്രങ്ങൾ , രൂപങ്ങൾ , അവയ്ക്കുണ്ടാവുന്ന ഭാവ മാറ്റങ്ങൾ, വർണ്ണങ്ങൾ ഇവയെല്ലാം ആ കൈകളിലെ തൂലിക കൊണ്ട് മാത്രം സാധ്യമാവുന്നു.. അവ ഹൃദയത്തിലുണ്ടാക്കുന്ന സ്വാധീനങ്ങൾ അത്ര പെട്ടെന്ന് മറക്കാനാവുമെന്ന് ഞാൻ കരുതുന്നില്ല. ഇതിലെ വരികൾക്ക് പച്ചമനുഷ്യൻ്റെ ഗന്ധമുണ്ട്. അവൻറെ ഉള്ളിലെ രക്തം കിനിയുന്ന മുറിവുകളും ജീവിക്കാൻ പ്രേരിപ്പിക്കുന്ന കിനാക്കളും പ്രണയവും വർണ്ണനകൾ കൊണ്ട് മറയിടാതെ ആവിഷ്കരിക്കുകയാണ് പെരുമ്പടവം.. ദസ്തയേവ്സ്കിയുടെ ജീവിതത്തിലെ ഉന്മാദത്തിൻറെ കയറ്റിറക്കങ്ങൾ വാക്കുകൾ വളച്ചൊടിക്കാതെ ഈ നോവൽ ...
